„ოჯახის წვერების სურვილი იყო, აღნიშნული პიროვნება სამართალდამცავებს ჩაბარებოდა. მათ მისი ადგილსამყოფელი დაადგინეს და აპირებენ, რომ უახლოეს წუთებში ის გამოძიებას ჩააბარონ“, - აცხადებს "ჯი-ეიჩ-ენთან" ბრალდებულის ადვოკატი, ტარიელ კაკაბაძე.
თუ სად იმყოფებოდა მიმალვაში მყოფი არასრულწლოვანი, ამასთან დაკავშირებით ადვოკატი ინფორმაციას არ ფლობს.
შეგახსენებთ, რომ რომ 1 დეკემბერს, ხორავას ქუჩაზე მოზარდებს შორის დაპირისპირებას ორი არასრულწლოვანის სიცოცხლე ემსხვერპლა. სამართალდამცავებმა მკვლელობაში ბრალდებული ერთი არასრულწლოვანი დააკავეს, მეორის მიმართ კი, სამძებრო სამუშაოები 3 დღეა მიმდინარეობს. დანაშაულის შეუტყობინებლობისა და დაფარვის ფაქტზე დაკავებულია სამი პირი.
