"თურქეთს არ ვენდობი და არ მჯერა, რომ სასამართლო სამართლიანი იქნება", - ამის შესახებ დემირელის კოლეჯის ხარისხის მართვის მენეჯერმა, მუსტაფა ემრე ჩაბუქმა ამ წუთებში, თბილისის საქალაქო სასამართლოსი მიმდინარე პროცესზე განაცხადა.
სასამართლო ჩაბუქისთვის და მისი ოჯახისთვის ლტოლვილის სტატუსის მინიჭების საკითხის განიხილავს.
"თურქეთს არ ვენდობი და არ მჯერა, რომ სასამართლო სამართლიანი იქნება. ჩემამდე ვინც ამ კოლეჯის მენეჯერი იყო და თურქეთში დაბრუნდა, ყველა ციხეშია. ჩემი ოჯახი თურქეთში ვერ ჩამოვა, მეშინია. პირველ რიგში, ეს არ მინდა იმ მუქარებიდან გამომდინარე, რომელიც ჩემი ოჯახის წევრების მიმართ ხორციელდებოდა" - განაცხადა მუსტაფა ემრე ჩაბუქმა.
ამ წუთებში მოსამართლე ხატია არდაზიშვილი ლტოლვილთა და განსახლების სამინისტროს წარმომადგენელს უსმენს.
ჯერჯერობით უცნობია, მოსამართლე გადაწყვეტილებას დღესვე გამოაცხადებს თუ არა.
