საქართველოს საფონდო ბირჟის სამეთვალყურეო საბჭოს თავმჯდომარე გიორგი ლოლაძე ითხოვს, რომ ფასიანი ქაღალდების ყიდვა არ ჩაითვალოს ეკონომიკურ საქმიანობად და შესაბამისად არ მოხდეს მისი დაბეგვრა. ეს განცხადება ლოლაძემ დღეს პარლამენტში საფინანსო საბიუჯეტო კომიტეტის სხდომაზე გააკეთა, სადაც კომიტეტმა მეორე მოსმენით განიხილა ახალი საგადასახადო კოდექსის პროექტი.
ლოლაძის თქმით, თუკი დეპოზიტზე ანგარიშის დადება არ ითვლება ეკონომიკურ საქმიანობად, არ შეიძლება ფასიანი ქაღალდების ყიდვა ჩაითვალოს ეკონომიკურ საქმიანობად, ვინაიდან ეს ორი საკითხი ფაქტობრივად ერთი შინაარსისაა.
მის მოთხოვნას მთავრობა ჯერჯერობით არც იზიარებს და არც უარს ამბობს. როგორც ფინანსთა მინისტრის მოაგილემ ირაკლი სირაძემ განაცხადა, მთავრობა აღნიშნულ საკითხზე იმსჯელებს და გადაწყვეტილებას მიიღებს.
