მთავრობა სათამაშო ბიზნესის გადასახადების გაორმაგებას ითხოვს. აღნიშნული ინიციატივა პარლამენტში ოფიციალურად დღეს ბიუროს სხდომაზე დარეგისტრირდება, თუმცა როგორც მთავრობის საპარლამენტო მდივანი გია ხუროშვილი აცხადებს, აღნიშნული გადაწყვეტილება მთავრობამ აღებული სოციალური ვალდებულებების შესასრულებლად მიიღო.
მისი თქმით, საზოგადოების მოთხოვნით, მთავრობამ უარი თქვა ჯანდაცვისა და განათლების სფეროში გარკვეული საგადასახადო ტარიფის ცვლილებაზე, თუმცა მისი თქმით სათამაშო ბიზნესი არის ისეთი სფერო, რომელიც სოციალურად გაჭირვებულ მოსახლეობას არ ეხება და შესაბამისად მთავრობა უპრიანად მიიჩნევს, რომ გადასახადები აღნიშნულ სფეროში გაორმაგდეს.
ტარიფებთან დაკავშირებით კი ჯერჯერობით არაფერია ცნობილი და სავარაუდოდ საკითხის ინიცირებისას გაცხადდება.
