აფხაზეთი არ აპირებს მსხვერპლად შეწიროს ყველაფერი იმას, რომ საქართველოსთან უსარგებლო მოლაპარაკებები აწარმოოს. ეს განცხადება სეპარატისტული აფხაზეთის ე. წ. საგარეო საქმეთა მინისტრმა მაქსიმ ღვინჯიამ საქართველოს საგარეო საქმეთა მინისტრ გრიგოლ ვაშაძის განცხადების კომენტირებისას გააკეთა.
შეგახსენებთ: ვაშაძემ განაცხადა, რომ საქართველო მზადაა, აფხაზეთთან და ე. წ. სამხრეთ ოსეთთან მოლაპარაკებები აწარმოოს, მხოლოდ იმ პირობით, რომ ამ ტერიტორიებიდან რუსული ჯარი უნდა გავიდეს.
"საქართველოსთან მოლაპარაკებები შედეგის მომტანი იქნება მხოლოდ მას შემდეგ, რაც ეს ქვეყანა თავდაუსხმელობის ხელშეკრულებას მოაწერს ხელს. მიგვაჩია, რომ საქართველომ უსაფრთხოების გამყარების საკითხებისაკენ კონკრეტული ნაბიჯები უნდა გადადგას და მხოლოდ ამის შემდეგ უნდა შემოგთავაზოს მოლაპარაკებების დაწყება სხვადასხვა საკითხზე", _ აცხადებს ღვინჯია.
