"საგადასახადო დავალიანებებისა და სახელმწიფო სესხების რესტრუქტურიზაციის შესახებ" კანონში ცვლილებები შედის, რომლის მიხედვითაც, ვადაგადაცილებული სასესხო დავალიანებების კანონმდებლობით გათვალისწინებული რეგულაცია დახვეწება.
"დღეს მოქმედი რედაქციით კანონი ითვალისწინებს ვადაგადაცილებული სასესხო დავალიანებების პატიების შესაძლებლობას, თუმცა არ ასახავს მის დეტალურ რეგულირებას. კანონპროექტით კი, განისაზღვრება სასესხო დავალიანებების პატიების ტექნიკური საკითხები", - აცხადებს ფინანსთა მინისტრის მოადგილე ნათია მიქელაძე.
მისი განმარტებით, პატიების შესაძლებლობა გამოყენებული იქნება საბიუჯეტო ორგანიზაციების და იმ საწარმოთა ვადადაუმდგარ სასესხო დავალიანებებთან მიმართებითაც, რომელთა აქციათა საკონტროლო პაკეტს ან წილის 50%-ზე მეტს ფლობს სახელმწიფო.
