ამის შესახებ საქართველოს ფინანსთა მინისტრმა კახა ბაინდურაშვილმა დავით გაგუას კლინიკაში საგადასახადო კოდექსის პროექტის განხილვისას განაცხადა.

როგორც ბაინდურაშვილი განმარტავს, სამედიცინო შეღავათები ძალაში რჩება და სამედიცინო აპარატურა დამატებითი ღირებულების გადასახადით არ დაიბეგრება. მოხდება სამედიცინო აპარატურის დიფერენცირება და დამატებითი ღირებულების გადასახადით მხოლოდ კოსმეტოლოგიური აპარატურა დაიბეგრება.

"იყო შემთხვევი, როდესაც საგადასახადო შეღავათებით სარგებლობდნენ არაკეთილსინდისიერი ბიზნესმენები, რომლებსა მაგალითად ჯაკუზი ან სკანერი სამედიცინო აპარატურის სასაქონლო კოდით შემოქონდათ. შესაბამისად ისინი დამატებითი ღირებულების გადასახადისგან განთავისუფლებულები იყვნენ. ახალი საგადასახადო კოდექსის პროექტში კი გათვალისწინებულია აპარატურის დიფერენცირება და აპარატურა, რომელიც კონკრეტულად სამედიცინო მომსახურებისთვის არის განკუთვნილი, აღარ დაიბეგრება", - განაცხადა ბაინდურაშვილმა.

შრომის, ჯანმრთელობისა და სოციალური დაცვის მინისტრის სანდრო კვიტაშვილის შეფასებით, ახალი კოდექსი ხელს შეუწყობს ქვეყანაში ახალი სამედიცინო აპარატურის შემოტანას, რაც იმის წინა პირობაც იქნება, რომ სამედიცინო მომსახურების გაძვირება არ მოხდეს.
შეახსენებთ, რსომ 28 ივნისს, ფინანსთა მინისტრმა კახა ბაინდურაშვილმა განათლების სამინისტროში შეხვედრა გამართა განათლებისა და მეცნიერების მინისტრთან, დიმიტრი შაშკინთან და უმაღლესი სასწავლებლების რექტორებთან, სადაც ფინანსთა მინისტრმა გააჟღერა კონსულტაციების შედეგად მიღებული გადაწყვეტება, რომლის მიხედვითაც, საგანმანათლებლო დაწესებულების ნაწილი (კერძო უმაღლესი სასწავლებლები და სკოლები) დღგ-თი აღარ დაიბეგრება.
„ჩვენი სურვილი იყო, გარკვეულ სექტორებში გადასახადების გაზრდის შედეგად, საგადასახადო ტვირთი შეგვემსუბუქებინა იმ სექტროებისთვის, ვისაც დაფინანსება ყველაზე მეტად სჭირდება. თუმცა გამოიკვეთა, რომ კერძო უმაღლესი სასწავლებლებისა და კერძო სკოლების დაბეგვრით, გაუარესდებოდა სწავლის ხარისხი და მოსახლეობის სოციალური მდგომარეობა. აქედან გამომიდნარე, მათი დამატებული ღირებულების გადასახადით დაბეგვრის საკითხი დღის წესრიგიდან მოიხსნა," - განაცხადა ფინანანსთა მინისტრმა.
განათლების სამინისტროში გამართულ შეხვედრაზე გადაწყდა, რომ შეიქმნება სამუშაო ჯგუფი, რომელიც იმუშავებს სასწავლებლების ბაზაზე სპეციალური ე.წ. endowment-ის ფონდების შექმნაზე, რომლის საშუალებითაც მოხდება სწავლების ხარიხსის გაუმჯობესება. სასწავლებლები შეძლებენ მიღებული შემოსავლების ნაწილით მატერიალურ-ტექნიკური ბაზის გაუმჯობესებას, ასევე სტუდენტებისა და მოსაწავლეების დაფინანსების საკითხების გადაწყვეტას.
განათლების სამინისტროში გამართულ შეხვედარს წინ უსწრებდა ფინანსთა მინისტრისა და საპარლამენტო უმრავლესობის შეხვედრა, რომელზედაც ფინანსთა მინისტრმა დეპუტატებს ახალი საგადასახადო კოდექსის დეტალები და კერძო სასწავლო დაწესებულებების დღგ-ს დაგებვრასთან დაკავშირებული ახალი ინიციატივა გააცნო.