საქართველოს პრეზიდენტსა და ლიტვის პრეზიდენტ, დალია გრიბაუსკაიტეს შორის სატელეფონო საუბარი შედგა.
საუბრის მთავარი თემა ნატოს მომავალი სამიტი და მასზე საქართველოს საკითხი იყო. გიორგი მარგველაშვილმა ყურადღება გაამახვილა ნატოს წევრი ქვეყნების მიერ საქართველოს, როგორც ასპირანტი ქვეყნის მხარდაჭერის აუცილებლობაზე.
ლიტვის პრეზიდენტმა კიდევ ერთხელ დაუდასტურა საქართველოს პრეზიდენტს ლიტვის, ქვეყნის ხელისუფლებისა და ლიტველი ხალხის ძლიერი მხარდაჭერა საქართველოს სუვერენიტეტის, ტერიტორიული მთლიანობის, ევროპულ და ევროატლანტიკურ სტრუქტურებში ინტეგრაციის მიმართულებით.
საუბრის დასასრულს დალია გრიბაუსკაიტემ გიორგი მარგველაშვილს დამოუკიდებლობის დღე მიულოცა და ქვეყნის განვითარება უსურვა.
