ფორმულა 1 სტამბოლს უბრუნდება. როგორც თურქული მედია წერს, ფორმულა 1-ის ერთ-ერთი ეტაპი სტამბოლში ბოლოს 2012 წელს გაიმართა, თუმცა ის სტამბოლს 6 წლის შემდეგ ისევ უბრუნდება.
გუშინ თურქეთის პრეზიდენტმა რეჯეფ თაიფ ერდოღანმა პრეზიდენტის სასახლეში ფორმულა 1-ს აღმასრულებელი დირექტორი, ჩეიზ კერი მიიღო. პრესისათვის დახურულ შეხვედრას თურქეთის ახალგაზრდობისა და სპორტის მინისტრი აქიფ ჩაღათაი ქილიჩი და პრეზიდენტის პრესსპიკერი იბრაჰიმ ქალინი ესწრებოდნენ.
შეხვედრის შემდეგ გაკეთებულ განცხადებაში აღინიშნა, რომ საუბარმა კარგად ჩაიარა და სამომავლო თანამშრომლობის გეგმებზეც იმსჯელეს. ფორმულა 1-ის რალი მსოფლიოს 130 ქვეყანაში პირდაპირ ეთერში შუქდება. აღნიშნული სპორტის სახეობა ქვეყნის რეკლამირების მიზნით ძალზედ მნიშვნელოვანია. მიმდინარე წელს ფორმულა 1-ის მმართველობა შეიცვალა და იგი ამერიკული ლიბერთი მედიის ხელში გადავიდა. ამ ცვლილებების შემდეგ აღნიშნული სპორტის წინსვლისათვის მრავალი მნიშვნელოვანი ნაბიჯებიც გადაიდგა.
