ბათუმის მერიაში სტიქიის შემსწავლელი ადგილობრივი კომისიის სხდომა გაიმართა. საინფორმაციო ხასიათის შეხვედრას ვიცე-მერი ბაგრატ მანველიძე, აჭარის ჯანდაცვის სამინისტროს სტიქიით დაზარალებულთა საქმეების დეპარტამენტის უფროსი დალი ქიქავა, დემოკრატიის ინსტიტუტის ხელმძღვანელი არჩილ ხახუტაიშვილი და ადმინისტრაციულ ერთეულებში მერის წარმომადგენლები ესწრებოდნენ.
შეხვედრაზე ქ. ბათუმში დასრულებულ 58 ბინიან სოციალურ სახლში ფართების განაწილებასთან დაკავშირებული პროცედურების თაობაზე და კრიტერიუმებზე ისაუბრეს.
ბათუმის მერიში ეკომიგრანტი ოჯახებისთვის ახლადაშენებულ სოციალურ სახლში ბინების განაწილების მიზნით განაცხადების მიღება მიმდინარეობს.
განაცხადები მიიღება ბათუმის ადმინისტრაციულ ტერიტორიაზე დაზარალებული და აჭარის ავტონომიურ რესპუბლიკაში რეგისტრირებული ბენეფიციარებისგან.
განაცხადის შევსების მსურველებმა თან უნდა იქონიონ გეოლოგიური დასკვნა და ოჯახის ყველა წევრის პირადობის დამადასტურებელი დოკუმენტაცია.
განაცხადების მიღება დაიწყო 20 მარტს და გაგრძელდება 20 აპრილის ჩათვლით.
დაინტერესებულ პირებს შეუძლიათ მიმართონ ბათუმის მერიის მოქალაქეთა მომსახურების ცენტრს (მის: ლუკა ასათიანის ქ. #25), ან მერიის შესაბამის ადმინისტრაციულ ერთეულს. დამატებითი ინფორმაციისთვის დარეკეთ შემდეგ ნომერზე: (0422) 246302
