ახალგაზრდა მამაკაცს, რომელიც პარიზის აეროპორტში სამხედრო პატრულს დაესხა თავს, ხელში ბენზინის კანისტრა ეჭირა და ყვიროდა, რომ ალაჰისთვის მოკვდებოდა. ამის შესახებ პარიზის პროკურორმა ფრანსუა მოლენსმა განაცხადა. თავდასხმა ორლის აეროპორტში შუადღისას განხორციელდა. 39 წლის ზიედ ბენ ბელგასი ადგილზე იქნა ლიკვიდირებული. როგორც მოგვიანებით გაირკვა, აეროპორტის ინციდენტამდე მან პარიზის ჩრდილოეთ გარეუბანში პოლიციელებს გაუხსნა ცეცხლი, რის შედეგადაც ერთი სამართალდამცავი დაიჭრა.
