სტამბოლის ათათურქის სახელობის საერთაშორისო აეროპორტში ორ თვითმფრინავს მეხი დაეცა. აღნიშნულის შესახებ ინფორმაციას სააგენტო DНА ავრცელებს.
სააგენტოს ინფორმაციით, პირველად მეხი სამგზავრო თვითმფრინავის კორპუსს დაეცა, რომელიც აეროპორტში ჯდებოდა. დისპეჩერი უმალვე დაუკავშირდა მეორე თვითმფრინავის ეკიპაჟს, რომელიც აეროპორტში შემდგომ უნდა დაფრენილიყო.
გაფრთხილების შემდეგ, მეორე თვითმფრინავის პილოტებმა გადაწყვეტილება მიიღეს მეორე წრეზე წასულიყვნენ, თუმცა მათ ამანაც ვერ უშველა და მეხი ამ თვითმფრინავსაც დაეცა.
ორივე თვითმფრინავი სტამბულის აეროპორტში მშვიდობიანად დაეშვა. დაშავებულებისა და დაზიანების მოცულობის შესახებ ინფორმაცია არ არსებობს.
