საპარლამენტო უმრავლესობა გუშინ პარლამენტის ყოფილი თავმჯდომარე, დავით უსუფაშვილის მიერ „განსხვავებულ აქცენტებში“ გაკეთებულ განცხადებებს ეხმიანება. გადაცემაში საუბრისას მან ქვეყანაში არაფორმალურ მმართველობაზე ისაუბრა და პასუხისმგებლობა ბიძინა ივანიშვილს დააკისრა.
“ასეთი ურთიერთსაწინააღმდეგო ნათქვამები უკარგავენ პოლიტიკოსებს იმიჯს და მერე ნუ ეწყინებათ ხოლმე, რატომ ხალხმა არ მომცა ხმა. თუ ის, რასაც ახლა ამბობს, მართლა იყო მაშინ, რატომ მაშინ არ ამბობდა და რატომ არ გადადგა. ეს ამბავი ჰგავს დაგვიანებულ მიდევნებული ლამპარს,“- განაცხადა პარლამენტის ფრაქცია „ქართული ოცნების“ წევრმა ნუკრი ქანთარიამ.
ევროპულ და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის ვიქტორ დოლიძის თქმით, არაფორმალურ მმართველობაზე ლაპარაკი არ შეიძლება.
"გავლენა, მოსაზრება და ავტორიტეტი არის ერთი თემა, მმართველობა არის მეორე თემა. დღეს საქართველოს ჰყავს პრემიერ-მინისტრი, ძლიერი ფიგურა, რომელსაც პატივს სცემენ როგორც ქვეყნის შიგნით, ასევე ქვეყნის გარეთ. მე ვარ ამ მთვარობის ერთ-ერთი წარმომადგენელი და აქედან გამომდინარე არანაირ არაფორმალურ მმართველობაზე ლაპარაკი არ შეიძლება,“ - განაცხადა ვიქტორ დოლიძემ.
