განათლებისა და მეცნიერების მინისტრმა ალექსანდრე ჯეჯელავამ "აუდიტორია 115"-ის წევრების მიერ გამოცდების გადატანისთვის ყალბი ცნობების დამზადებასთან დაკავშირებით განცხადება გააკეთა.
"კონკრეტულმა სტუდენტმა თუ რამე გააყალბა, აუდიტორიის წევრი იქნება ის თუ რომმელიმე სხვა კომპანიის თანამშრომელი, პასუხისმგებლობა ორგანიზაციაზე არ ვრცელდება იმიტომ, რომ ეს არის პიროვნების გადაწყვეტილება. მე ვიცნობ 115-ის წევრებს და შორს ვარ იმ აზრისგან, რომ ეს რამენაირად მათ საქმიანობას უკავშირდებოდეს. ვინც რამე დააშავა, კანონის შესაბამისად აგებს პასუხს," - განაცხადა ჯეჯელავამ.
მანამდე მედიაში გავრცელდა ცნობა, რომ „აუდიტორია 115“-ის ერთერთმა ლიდერმა მეორე წევრს ყალბი ცნობა დაამზადებინა, რათა გამოცდა გადაევადებინა.