ACT-ის მიერ ჩატარებული კვლევის მიხედვით, თბილისის მოსახლეობის 86% თავს რელიგიურად თვლის. გამოკითხული ადამიანებისგან, რომელიც თავს რელიგიურად თვლიან მხოლოდ 5% არ დადის ეკლესიაში.
ეკლესიაში სიარული არც თუ ისე ხშირი ქცევაა დანარჩენი გამოკითხულებისთვისაც - უმრავლესობა (63%) ეკლესიაში თვეში ერთხელ ან უფრო იშვიათად დადის. ეკლესიაში კვირაში რამდენჯერმე გამოკითხულთა 3% დადის, კვირაში ერთხელ - 12%, ხოლო ყოველ დღე - 1%.
აღსანიშნავია, რომ გამოკითხული თბილისელების 58%, რომელიც თავს რელიგიურად თვლის, არასდროს დაუცავს მარხვა, 16% ხშირად იცავს მას, 26% კი იშვიათად იცავს მარხვას.
გამოკითხვა შემთხვევითი შერჩევის გზით ჩატარდა და გამოკითხა თბილისში მცხოვრები 400 ადამიანი. კვლევა 2017 წლის იანვარში ჩაატარდა. ორგანიზაციის ცნობით, მონაცემთა სტატისტიკური ცდომილება 4.9%-ს არ აღემატება. კვლევისას გამოყენებული მეთოდი პირისპირ ინტერვიუ.