თბილისის საკრებულომ დღეს 2017 წლის ბიუჯეტის პროექტი უნდა განიხილოს. ოპოზიცია მერიას პრიორიტეტებს უწუნებს. გაზრდილია სატრანსპორტო ინფრასტრუქტურის მშენებლობისა და აღდგენის საერთო ხარჯები, მაგრამ შემცირებულია რამდენიმე რაიონის გზების მოვლა-შეკეთების თანხა. ასევე მცირდება ჯანრთელობის დაცვისა და სოციალური უზრუნველყოფის დაფინანსება. შემცირებულია ინფრასტრუქტურის ობიექტების მშენებლობა, ექსპლუატაცია და ავარიული შენობების გამაგრებისთვის გამოყოფილი თანხებიც, მაგრამ დაახლოებით 2 მილიონით იზრდება გამწვანების ღონისძიებების დაფინანსება. ასევე იზრდება ბინათმესაკუთრეთა ამხანაგობების განვითარებისთვის გამოყოფილი თანხა. მიმდინარე წელთან შედარებით 2 მილიონ ლარზე მეტი დაიხარჯება განათლების სფეროს დაფინანსებისთვის.
