აჭარის მთვარობის თავმჯდომარე ზურაბ პატარაძე გერმანიის საერთაშორისო თანამშრომლობის საზოგადოების (GIZ) სამხრეთ კავკასიაში ადგილობრივი თვითმმართველობის პროგრამის ხელმძღვანელს ერიკ მარქსს შეხვდა. სამუშაო შეხვედრას აჭარის ა/რ ფინანსთა და ეკონომიკის მინისტრი რამაზ ბოლქვაძე და მთავრობის აპარატის საერთაშორისო ურთიერთობის დეპარტამენტის უფროსი ხათუნა ნაყეური ესწრებოდნენ.
შეხვედრაზე მხარეებმა განიხილეს სტრატეგიული განვითარების დოკუმენტის მთავრობის მხრიდან დამტკიცების საკითხი. GIZ-ის წარმომადგენელმა სტრატეგიული მიმართულების მიხედვით სამოქმედო გეგმის შემუშავების დაფინანსების მზადყოფნაც გამოთქვა.სამუშაო გეგმის განხორციელება ხელს შეუწყობს რეგიონის სტრატეგიული განვითარების დოკუმენტის იმპლემენტაციას.
რეგიონის პირველი პირი ერიკ მარქსს სამომავლო თანამშრომლობის პრესპექტივებზეც ესაუბრა. გერმანიის საერთაშორისო თანამშრომლობის საზოგადოებამ (GIZ) სამხრეთ კავკასიაში მზაობა გამოთქვა აჭარაში ფინანსური აკადემიის შექმნის მხარდაჭერაში. GIZ მზადაა უზრუნველყოს მატერიალური მხარე, შესაბამისი პერსონალის ტერენინგები და სასწავლო პროგრამების შემუშავება. ფინანსური აკადემია მოემსახურება არა მარტო აჭარის, არამედ დასავლეთ საქართველოს მოსახლეობას.
შეხვედრის მიზანი იყო უკვე შემუშავებული 2016-2021წწ სტრატეგიის დოკუმენტის შემდგომი განვითარების ეტაპები.
გერმანიის საერთაშორისო თანამშრომლობის საზოგადოება (GIZ) საქართველოში ახორციელებს განვითარების პროექტებს დაფინანსებულს ტექნიკური დახმარების სახით.