საგარეო საქმეთა სამინისტროდან გათავისუფლებული ნიკა ჩერქეზიშვილი დღეიდან შიმშილობას იწყებს. უკვე მე-4 ღამეა, მთავრობის კანცელარიოასთან მისი მხარდასაჭერი აქცია იმართება. საგარეო უწყების ყოფილი თანამშრომელი მის სამსახურიდან გათავისულებას აპროტესტებს. როგორც ის განმარტავს, მისი გათავისუფლება უსაფუძვლოდ და კანონის დარღვევით მოხდა. ამასთან, ჩერქეზიშვილის განცხადებით, მის საბუთებში გათავისუფლების მიზეზების გაყალბების გამო ის სხვა სახელმწიფო სტრუქტურაში მუშაობას ვეღარ იწყებს. ჩერქეზიშვილი ასევე გამოეხმაურა კანცელარიის მიერ გამოქვეყნებულ განცხადებას, რასაც არასაერიოზული და დამცინავი დამოკიდებულება უწოდა. ჩერქეზიშვილის მხარდასაჭერად აქცია გაიმართა ბათუმშიც. საჯარო ბიბლიოთეკის წინ შეკრებილებმა ნიკა ჩერქეზიშვილის სამსახურში აღდგენა მოითხოვეს. ისინი მიიჩნევენ, რომ სამსახურიდან უსაფუძვლოდ ბევრი ადამიანია გათავისუფლებული და ყველა მათგანს სოლიდარობას უცხადებენ. აქციის მონაწილების განცხადებით, დროა შეწყდეს უნანონო განთავისუფლებები და დაცული იყოს დასაქმებულთა უფლებები.
