როგორ ასრულებს საქართველო ასოცირების ხელშეკრულებით ნაკისრ ვალდებულებებს და რომელი სფეროებია პრობლემური ?- ამ საკითხთან დაკავშირებით „ფონდი ღია საზოგადოება საქართველო“ დღეს ანგარიშის პრეზენტაციას გამართავს. როგორც ორგანიზაციაში აცხადებენ, ქვეყნის წინსვლა თითქმის ყველა მიმართულებით შეინიშნება, თუმცა ის ნაკისრი ვალდებულებები, რომელიც საქართველოს 2016 წლისთვის ჰქონდა, ჯერ არ შესრულებულა. როგორც ფონდის წარმომადგენელი ვანო ჩხიკვაძე განმარტავს, ერთ-ერთი პრობლემური მიმართულება განათლების სფეროა. მისი განცხადებით, საქართველოს პროფესიული განათლების შესახებ კანონი ამ დრომდე არ მიუღია, რაც ასოცირების ხელშეკრულებით გათვალისწინებული ერთ-ერთი ვალდებულებაა.