განათლებისა და მეცნიერების მინისტრის მოადგილის, ლია გიგაურის ინფორმაციით, საქართველოს მასშტაბით, 42 სკოლაში სასწავლო პროცესი შეწყვეტილია. მისი განმარტებით, მიზეზი რაიონებში ელექტროენერგიის მიწოდების გართულებაა.
”მეტეოროლოგიური მდგომარეობის გამო გართულდა იმ რაიონებში ელექტროენერგიის მიწოდება, რაზეც დამოკიდებულია სკოლის გათბობის სისტემა, შესაბამისად, სკოლებმა მიიღეს გადაწყვეტილება ელექტროენერგიის მიწოდების აღდგენამდე, სასწავლო პროცესი დროებით შეეწყვიტათ”, - განაცხადა გიგაურმა.
