საქართველოს რეგიონული განვითარებისა და ინფრასტრუქტურის მინისტრი ზურაბ ალავიძე მსოფლიო ბანკის წარმომადგენლებს შეხვდა. შეხვედრას მინისტრთან ერთად მინისტრის პირველი მოადგილე ირაკლი მატკავა, მინისტრის მოადგილე გალაქტიონ ბუაძე და საავტომობილო გზების დეპარტამენტის თავმჯდომარე გიორგი სეთურიძე ესწრებოდნენ.
მხარეებმა განიხილეს იმ საგზაო-ინფრასტრუქტურული პროექტების მიმდინარეობის საკითხები, რომლებიც მსოფლიო ბანკის მხარდაჭერით ხორციელდება. ასევე, დასახეს გეგმები, ორმხრივი თანამშრომლობის გაღრმავების შესახებ.