აჭარის განათლების, კულტურის და სპორტის მინისტრის მოადგილე ნათია სირაბიძე ევროპის კულტურის პარლამენტის (ECP) წევრობის კანდიდატია.
მისი ნომინირება ბათუმში გამართულ ევროპის კულტურის პარლამენტის გასვლით სხდომაზე გამოსვლის შემდეგ მოხდა.
ევროპის კულტურის პარლამენტის დელეგატები კანდიდატურას 2017 წლის იანვარში უყრიან კენჭს.
ევროპის კულტურის პარლამენტში საქართველოს კვოტით სამი წევრია, მათ შორის ლევან ხეთაგური, დავით საყვარელიძე და დავით ლორთქიფანიძე.
ევროპის კულტურული პარლამენტი 2001 წელს ევროპის საბჭოს შენობაში, სტრასბურგში დაარსდა და მის მთავარ მიზანს წარმოადგენს აღმოსავლეთ და დასავლეთ ევროპის ქვეყნების დაკავშირებაკულტურის სფეროში იდეებისა და ინიციატივების ხელშეწყობა.
ორგანიზაცია აერთიანებს 160 წევრს ევროპის 43 ქვეყნიდან. ნათია სირაბიძე არის აჭარის განათლების, კულტურისა და სპორტის მინისტრის მოადგილე 09/2015 წლიდან. ის გახლავთ ბიზნეს ადმინისტრირების დოქტორანტი (BSU), მასობრივი კომუნიკაციის მაგისტრი (UCF, აშშ) და ჟურნალისტიკისა და მედია მენეჯმენტის მაგისტრი (GIPA).
აქვს საზოგადოებასთან ურთიერთობისმიმართულებით ხელმძღვანელ თანამდებობებზე მუშაობის 8-წლიანი და მედია საშუალებებში მუშაობის 10 წლიანი გამოცდილება.
კითხულობდა ლექციებს ცენტრალური ფლორიდის უნივერსიტეტში, კავკასიის უნივერსიტეტში, გრ. რობაქიძის უნივერსიტეტსა და შოთა რუსთაველის სახელობისსახელმწიფო უნივერსიტეტში.
არის სამეცნიერო ნაშრომებისა და საჯარო კომუნიკაციის სახელმძღვანელოს ავტორი; გავლილი აქვს პროფესიული ტრენინგები ამერიკის, ევროპისა და აზიის ქვეყნებში. არის საერთაშორისო ჟურნალისტთა ასოციაციის წევრი და სან დიეგოს (კალიფორნია) საპატიო მოქალაქე.