რუსთავი-თბილისის მიმართულებით მგზავრობის ფასის მატებას სტუდენტები აპროტესტებენ. ახალგაზრდები ახალი სამგზავრო გადასახადის დაწესება და სტუდენტური ტარიფის - 75 თეთრის შემოღებას მოითხოვენ.
ამ მოთხოვნით ისინი მერიასთან შეიკრიბნენ და მერის მოადგილეს შეხვდნენ, თუმცა შეხვედრა მერის მოადგილესთან შედეგის გარეშე დასრულდა.
ამ წუთებში სტუდენტებს მერიის შესასვლელთან სირცხვილის კორიდორი აქვთ მოწყობილი. ისინი მერის შენობიდან გამოსვლას ელოდებიან.
რუსთავის მერის მოადგილის, ნოდარ შეროზიას, განცხადებით, რუსთავის ბიუჯეტს ამ ეტაპისთვის მხოლოდ სოციალურად დაუცველი სტუდენტების დაფინანსების საშუალება აქვს და დანარჩენი სტუდენტებისთვის სხვა ტარიფის დაწესება ჯერჯერობით არ განიხილება.
დღეს მერიის წარმომდგენლებს კიდევ ერთი შეხვედრა ჰქონდათ რუსთავის სატრანსპორტო კომპანიის წარმომადგენელთან, რომლებიც დაავალდებულეს, რომ მგზავრობის ტარიფის ზრდა არ მოხდეს და ამის შესასრულებლად გარკვეული ვადაც მისცეს.