საქართველოს საკალათბურთო ნაკრების წევრს, ათენის AEK-ის კალათბურთელს მაიკლ დიქსონს საბერძნეთს დედაქალაქთან ავარია შეემთხვა. როგორც იტალიური გამოცემა Sportando წერს, სპორტსმენი “სდექ” ნიშანთან არ გაჩერდა და ავტომობილს შეეჯახა, რომელსაც 47 წლის ქალი მართავდა. ამის გამო, ქალმა საჭე ვერ დაიმორჩილა და 64 წლის მამაკაცს დაეჯახა, რომელიც გარდაიცვალა.
საგზაო შემთხვევის შემდეგ კალათბურთელი დააკავეს და ალკოჰოლზე შეამოწმეს, თუმცა დიქსონის ორგანიზმში ალკოჰოლი არ აღმოჩნდა. ინციდენტი ათენის მახლობლად, 4 დეკემბერს, დილის 7 საათზე მოხდა. წინა დღით მაიკლ დიქსონს დაბადების დღე ჰქონდა.