ევროსკეპტიკოსების მოლოდინი არ გამართლდა. ავსტრიაში საპრეზიდენტო არჩევნებში ულტრამემარჯვენეების ნაცვლად, ისევ მწვანეთა პარტიის ლიდერმა- ალექსანდრ ვან დერ ბელენმა გაიმარჯვა. პირველადი შედგების გამოცხადებისთანავე პარტია თავისუფლების ლიდერმა ამომრჩევლებს მხარდაჭერისთვის მადლობა გადაუხადა და დამარცხება აღიარა. ამ ეტაპზე ელექტორატის ხმები ასე გადანაწილდა: ხმათა 53 პროცენტი ვან დერ ბელენს ერგო, ნორბერტ ჰოფერმა კი 46 პროცენტი დააგროვა. საპრეზიდენტო არჩევნები ავსტრიაში 6 თვის წინაც ჩატარდა, თუმცა მწვანეთა პარტიის ლიდერის გამარჯვებით უკმაყოფილო ნორბერტ ჰოფერმა არჩევნების შედეგები გასააჩივრა. სარჩელი საკონსტიტუციო სასამართლომ დააკმაყოფილა და ქვეყანაში განმეორებით საპრეზიდენტო არჩევნები დაინიშნა.
