პარლამენტის განათლებისა და მეცნიერების კომიტეტში დღეს თბილისის სახელმწიფო უნივერსიტეტის სტუდენტებთან სამუშაო შეხვედრა გაფართოებულ ფორმატში გაიმართება. მსჯელობის მთავარი საკითხი „აუდიტორია-115ის“ მოთხოვნა იქნება, რომელიც განათლების შესახებ კანონში შესატან ცვლილებებს გულისხმობს. როგორც „აუდიტორია-115ში“ აცხადებენ, თუ დღეს კონკრეტული გადაწყვეტილების მიღება ვერ მოხერხდება, უნივერსიტეტის მეექვსე კორპუსი კვლავ პიკეტირებული დარჩება და სხვა საპროტესტო ღონისძიებები დაიწყება. შეხვედრა 16 საათზეა ჩანიშნული.