გარემოს ეროვნული სააგენტოს სპეციალისტების რეკომენდაციით გუდაური-კობის მონაკვეთზე ყველა სახის ავტოსატრანსპორტო მოძრაობა შეზღუდულია.
სპეციალისტების ინფორმაციით უამინდობა კვლავ ნარჩუნდება გუდაური-კობის მონაკვეთზე ღამის საათებში მოთოვს ჰაერის ტემპერატურა იქნება -10, -8 გრადუსი.
4 დეკემბერს კი დღის განმავლობაში ჰაერის ტემპერატურა -4, -5 გრადუსია მოსალოდნელი.
გარემოს ეროვნული სააგენტოს სპეციალისტების ჯგუფი, 5 დეკემბერს, გამთენიისას ადგილზე შეაფასებს ზვავსაშიშროების რისკს, რის შემდეგაც გაიცემა ადგილზე რეკომენდაცია საავტომობილო გზაზე მოძრაობის რეჟიმის აღდგენის შესახებ.
გუდაური-კობის მონაკვეთზე უამინდობის გამო ამ დროისთვის ზვავსაშიშროება ნარჩუნდება, სინოპტიკოსების ინფორმაციით 6 დეკემბრიდან უნალექო ამინდებია მოსალოდნელი.