ეროვნული ბიბლიოთეკა უერთდება მსვლელობას ”რუსთაველიდან რუსთაველით თავისუფლებამდე”, რომელიც 20 ნოემბერს 14:00 საათზე რუსთაველის ძეგლთან დაიწყება და თავისუფლების მოედნამდე გაგრძელდება.
აქცია ეძღვნება შოთა რუსთაველის 850 წლის იუბილეს. ამ თარიღის აღსანიშნავად იუნესკომ 2016 წელი შოთა რუსთაველის წლად გამოაცხადა.
ეროვნული ბიბლიოთეკის მესამე კორპუსში (გუდიაშვილის 7) გამოიფინება ბიბლიოთეკის ქართველოლოგიის ფონდში დაცული ”ვეფხისტყაოსნის” გამოცემები ქართულ ენაზე. გამოფენის დათვალიერების შესაძლებლობა ნებისმიერ მსურველს ექნება.