უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინამ Patriot-ის საჰაერო თავდაცვის სისტემებისთვის რაკეტების ახალი პარტიის მიწოდებაზე შეთანხმებას მიაღწია. ამის შესახებ მან აშშ-ში უკრაინული თემის წარმომადგენლებთან და ლიდერებთან შეხვედრისას განაცხადა.
ზელენსკიმ აღნიშნა, რომ ეს უკრაინის საჰაერო თავდაცვის გაძლიერებაში ახალი წვლილია, თუმცა არ დაუკონკრეტებია, რომელ ქვეყანასთან მიაღწია შეთანხმებას.
„დღეს შევთანხმდით, არ ვიტყვი, ვისთან, Patriot-ის სისტემებისთვის რაკეტების პაკეტზე. ეს მნიშვნელოვანი გადაწყვეტილებაა, ძალიან მნიშვნელოვანი. შედეგი გვაქვს“, - განაცხადა ზელენსკიმ.
