„კორუფციის გლობალური ბარომეტრი“ - ამ თემაზე „საერთაშორისო გამჭვირვალობა საქართველო“ დღეს პრეზენტაციას გამართავს. ორგანიზაციის წარმომადგენლის, ერეკლე ურუშაძის განცხადებით, კვლევა ქვეყანაში კორუფციის მხრივ არსებული მდგომარეობის შესახებ მოქალაქეთა შეხედულებებს ასახავს. მისი თქმით, ამ მხრივ საქართველოს კარგი მაჩვენებელი აქვს, თუმცა ხელისუფლებას კორუფციის თაობაზე საგანმანათლებლო სამუშაოს წარმოების მხრივ მეტი მუშაობა მართებს. კვლევა 2002 წლიდან პერიოდულად, 2 წელიწადში ერთხელ ტარდება.
