საქართველოს პრეზიდენტი გიორგი მარგველაშვილი ყვარლის მუნიციპალიტეტში გოგონების წინდაცვთის ფაქტებზე შეშფოთებას გამოხატავს და დამნაშავეების უმკაცრესად დასჯას მოითხოვს.
„საქართველოს პრეზიდენტი გამოხატავს შეშფოთებას ამ ვანდალურ ქმედებაზე. პრეზიდენტისთვის ადამიანის უფლებების დაცვა, ყოველთვის იყო და არის განსაკუთრებული მნიშვნელობის საკითხი. შესაბამისად მიგვაჩნია, რომ სასწრაფოდ უნდა იყოს გამოძიებული, თუ რა მოვლენასთან გვაქვს საქმე და უსწრაფესად უნდა გატარდეს ზომები ამ დანაშაულის აღსაკვეთად და დამნაშავეთა უმკაცრესად დასასჯელად“, - განაცხადა პრეზიდენტის პრესსპიკერმა ეკა მიშველაძემ.
პრეზიდენტი შინაგან საქმეთა მინისტრსა და მთავარ პროკურორს საქმის პირად კონტროლზე აყვანისკენ მოუწოდებს.
„პრეზიდენტი მიმართავს შს მინისტრს და მთავარ პროკურორს, რომ გავრცელებული ინფორმაციის გამოძიება პირად კონტროლზე აიყვანონ და საზოგადოებას მიაწოდონ შესაბამისი ინფორმაცია. ჩვენ პატივს ვცემთ ყველა ეთნოსის ტრადიციებს, მაგრამ ცხადია მხოლოდ იმ პირობით, თუ ის არ არის წინააღმდეგობაში საქართველოს კანონმდელობასთან და ადამიანის საყოველთაოდ აღიარებულ უფლებებთან“, - განაცხადა პრეზიდენტის პრესსპიკერმა.