დაზარალებული მეანაბრეები ეროვნული ბანკის წარმომადგენლებთან შეხვედრას ითხოვენ. დაზარალებულები მიიჩნევენ, რომ ეროვნულმა ბანკმა ხელოვნურად შეუწყო ხელი საფინანსო კომპანიის გაკოტრებას. ისინი ქვეყნის ცენტრალური ბანკისგან კითხვებზე პასუხს ელოდებიან. მათივე თქმით, ფინანსთა სამინისტროს საგამოძიებო სამსახურშიც იმყოფებოდნენ, სადაც განუცხადეს, რომ საქმის მოკვლევა მიმდინარეობს. ეროვნულ ბანკში საკითხზე კომენტარი არ გაკეთებულა.
