დღეს, 15:00 საათზე, ბათუმის მერიაში არქიტექტურისა და ურბანული დაგეგმარების სამსახურის წარმომადგენლებისა და ურბანისტ მანუჩარ მახათაძის შეხვედრა გაიმართება.
შეხვედრაზე მოწვეულები არიან არასამთავრობო ორგანიზაციებისა და პოლიტიკური პარტიების წარმომადგენლები.
შეხვედრის თემაა ქ. ბათუმის მუნიციპალიტეტის მიწათსარგებლობის გენერალური გეგმის შემუშავებისთვის წინასაპროექტო კვლევასა და გეგმარებით დავალებაზე მუშაობა, რაც USAID-ის დახმარებით ხორციელდება. მერიის, საკრებულოს, არასამთავრობო სექტორისა და დაინტერესებული პირების ჩართულობით უნდა მოხდეს ტექნიკური პირობების შედგენა.
წინასაპროექტო კვლევასა და გეგმარებით დავალებაზე მუშაობა ჯგუფმა მიმდინარე წლის ბოლომდე უნდა დაასრულოს, რის საფუძველზეც გამოცხადდება კონკურსი მიწათსარგებლობის გენერალური გეგმის შემუშავებაზე.