აუდიტორია 115 სტუდენტური თვითმმართველობის არჩევნებს უნდობლობას უცხადებს. მისი წევრები აცხადებენ, რომ არჩევნებამდე განათლების შესახებ კანონში ცვლილებები უნდა განხორციელდეს. არჩევნები 25 ნოემბერსაა დაგეგმილი. თვითმმართველობაში დელაგატთა რაოდენობა 120-დან 140-მდე გაიზრდება. ცვლილებები არ შევა თვითმმართველობის წევრების არჩევის წესში, მაგრამ სიახლეა მისი წარმომადგენლობითი ორგანოს_ საფაკულტეტო საბჭოს დაკომპლექტებასთან დაკავშირებით, სადაც სტუდენტების გარდა პროფესურაც შედის. თუ აქამდე თვითმმართველობიდან საფაკულტეტო საბჭოში გადასასვლელად კიდევ ერთი შესარჩევი ეტაპი იყო საჭირო, ეს ბარიერი მოიხსნება და საუკეთესო შედეგის მქონე პირველი 4 სტუდენტი საბჭოში პირდაპირ შევა.