ცნობილ ქართელ კალათბურთელს, ეროვნული საკალათბურთო ნაკრების ერთ-ერთ ლიდერს ვიქტორ სანიკიძეს მარჯვენა ფეხზე ოპერაცია ჩაუტარდა.
როგორც ბერძნული გამოცემები წერენ ვიქტორ სანიკიძის ტრამვა, როგორც მოსალოდნელი იყო, ძალზე მძიმეა.
“სანიკიძეს წარმატებით ჩაუტარდა ოპერაცია და ცნობილი გახდა დაზიანების სიმძიმე – ზუსტად რა პერიოდი გაუცდება ახლა ამის თქმა საკმაოდ რთულია, მაგრამ დიდი ალბათობით, მოედანზე 6 თვიდან 10 თვემდე ვერ გავა. ყველაფერი იმაზეა დამოკიდებული როგორ ჩაივლის აღდგენითი პროცესები”, - განაცხადა ექიმმა.
აღსანიშნავია, რომ ვიქტორ სანიკიძემ საბერძნეთის ჩემპიონატის პირველ ტურში ფეხის ძლიერი ტრავმა მიიღო. სანიკიძის „არისი“ „ტრიკალას“ მასპინძლობდა და საბოლოოდ 75:65 დაამარცხა, თუმცა შეხვედრის მიწურულს ფეხი დაიზიანა და მოედნიდან საკაცით გაიყვანეს. ის კლინიკაში გადაიყვანეს.
