გერმანიის ქალაქ დრეზდენში ორი ძლიერი აფეთქება მოხდა. თვითნაკეთი ბომბები ჯერ ქალაქის მეჩეთთან, მოგვიანებით კი საერთაშორისო საკონფერენციო ცენტრთან ამოქმედდა. აფეთქებებს მსხვერპლი არ მოჰყოლია. პოლიციის ვარაუდით, ტერაქტების მოტივი შესაძლოა რასიზმი იყოს. აღმოსავლეთ გერმანიაში ანტიიმიგრაციული განწყობა განსაკუთრებით გაძლიერდა. სწორედ დრეზდენში შეიქმნა მოძრაობა „პეგიდა“, რომელიც ე.წ. „ისლამიზაციას“ ეწინააღმდეგება.
