პარლამენტის საპროცედურო კომიტეტის სხდომა კვორუმის არარსებობის გამო არ შედგა. კომიტეტის სხდომაზე ნინო ბურჯანაძის ინიციატივა საქართველოს უბლოკო სტატუსთან დაკავშირებით, უნდა განხილულიყო.
კომიტეტის ხელმძღვანელი გიორგი კახიანი ვარაუდობს, რომ დეპუტატების არგამოცხადება წინასაარჩევნო კამპანიას უკავშირდება.
„გაერთიანებული დემოკრატიული მოძრაობის“ ერთ-ერთი ლიდერის, გიორგი ახვლედიანის შეფასებით, ხელისუფლება პროცესს მიზანმიმართულად აჭიანურებს.
