12 აგვისტოს სასტუმრო შერატონ ბათუმში აჭარის ავტონომიური რესპუბლიკის გარემოს დაცვისა და ბუნებრივი რესურსების სამმართველოსა და ბუნების დაცვის მსოფლიო ფონდის (WWF) კავკასიის წარმომადგენლობას შორის აჭარის ავტონომიურ რესპუბლიკაში ტყის მდგრადი მართვის ხელშეწყობის მიზნით თანამშრომლობის შესახებ ურთიერთგაგების მემორანდუმის ხელმოწერის ღონისძიება გაიმართა.ურთიერთგაგების მემორანდუმის გაფორმება განხორციელდა გერმანიის
თანამშრომლობისა და ეკონომიკური განვითარების სამინისტროს (BMZ) მიერ დაფინანსებული პროექტის „ტყის ეკოსისტემების მდგომარეობის გაუმჯობესება ტყის ადაპტური მართვის მეშვეობით აჭარაში” და გერმანიის ეკონომიკური თანამშრომლობისა და განვითარების სამინისტროს (BMZ) ფინანსური მხარდაჭერით და გერმანიის რეკონსტრუქციის საკრედიტო ბანკის (KfW) მეშვეობით დაფინანსებული პროექტის “კავკასიის ეკო-კორიდორების ფონდი” ფარგლებში.
