"ეროვნულ გამოცდებში აბიტურიენტების დაახლოებით 16 პროცენტი ჩაიჭრა, რაც ძალიან ცუდ შედეგად იქნა შეფასებული, რასაც მე არ ვიზიარებ“, - ამის შესახებ განათლების მინისტრმა ალექსანდრე ჯეჯელავამ თავის მიმართვაში განაცხადა და ახალგაზრდებ მოუწოდა უმაღლესი განათლების ალტერნატივა განიხილონ, მათ შორის მინისტრმა აქცენტი გააკეთა პროფესიულ განათლებაზე.
"ძალიან ბევრ ქვეყანაში და ჩვენთანაც ასე უნდა იყოს, უმაღლეს განათლებას იმიტომ ჰქვია უმაღლესი განათლება, რომ ის არ არის საყოველთაო. უმაღლესი განათლება უნდა იყოს მხოლოდ იმ ადამიანებისთვის, ვინც განსაკუთრებულ აკადემიურ წარმატებას აღწევს. ეს 16% სხვა ქვეყნებთან შედარებით არის საკმაოდ დაბალი, სხვა ქვეყნებში ეს ციფრი 25% და მეტია.
ბევრი ადამიანი, ვინც ბარიერი ვერ გადალახა, წერს რომ მათი ცხოვრება დასრულდა და ა.შ. მე მინდა დავარწმუნო ჩვენი ახალგაზრდები, რომ ძალიან ბევრი კარგი ალტერნატივაა, ესაა პროფესიული განათლები, ტრეინინგები, ასევე მომავალში კიდევ ცდა. ჩვენ გვჭირდება პროფესიონალები. ძალიან ბევრი უმუშევარი იურისტი გვყავს, მაგრამ ძალიან გვიჭირს მაგალითად ვეტერინარები, აგრონომები, ან პროგრამისტები. ეს ყველა არის პროფესიული მიმართულების საქმიანობა, რომელზეც ადამიანმა შესაძლოა არ დახარჯოს 4 წელი. მოვუწედებთ ყველა ახალგაზრდას რაც შეიძლება მეტი პროფესია აირჩიოს და მეტი ალტერნატივა განიხილოს“, - განაცხადა მინისტრმა.
