ევროკავშირში საქართველოს ელჩის ნატალია საბანაძის განცხადებით, საქართველოს ვიზალიბერალიზაციის საკითხი პრინციპულად გადაწყვეტილია და ახლა საქმე მხოლოდ დროს ეხება. მისი თქმით, ვიზალიბერალიზაციასთან დაკავშირებით არანაირი დაბრკოლება არ არის.
„ჯერ-ჯერობით არ არის არანაირი დაბრკოლება და უახლოეს მომავალში გადაწყდება ყველაფერი დადებითად. მე ვერიდები თარიღების დასახელებას ყოველთვის, იმიტომ რომ ხშირად თარიღები იცვლება. ეს არის რთული პროცესი ინსტიტუციონალურად. ჩართულია პარლამენტი, საბჭო კომისია. თარიღებს არ დავასახელებ, მაგრამ შემიძლია ვთქვა, რომ არსებული სიტუაციით ვართ ბოლო ეტაპზე და გადაწყვეტილებას გავიგებთ“, - განაცხადა ნატალია საბანაძემ.
