აზერბაიჯანში ფეთჰულა გიულენთან ინტერვიუს გაშვების დაანონსების გამო ტელეკომპანია ANS TV დაიხურა. აზერბაიჯანული სააგენტო “ტრენდის” ინფორმაციით, ტელეკომპანიის მაუწყებლობის შეჩერების გადაწყვეტილება აზერბაიჯანის ტელე-რადიო მაუწყებლობის ეროვნულმა საბჭომ აზერბაიჯანის გენერალურმა პროკურატურის მიმართვის შემდეგ მიიღო.
პროკურატურის განცხადებით, ტელეკომპანია ეწეოდა ტერორიზმის ღია პროპაგანდასა და საბოტაჟს, რომელიც მიმართული იყო თურქეთსა და აზერბაიჯანს შორის სტრატეგიული პარტნიორული ურთიერთობების გაუარესებისკენ.
აშშ-ში მცხოვრებ მუსლიმ ღვთისმსახურს ფეთჰულა გიულენს თურქეთი სახელმწიფო გადატრიალების მცდელობის ორგანიზატორად მიიჩნევს. ანკარა აშშ-სგან გიულენის ექსტრადირებას ითხოვს. თავად გიულენი ბრალდებებს უარყოფს.
