შეერთებული შტატების კონგრესი, თურქეთში განვითარებულ მოვლენებს განცხადებით ეხმაურება. წარმომადგენელთა პალატის საგარეო საქმეთა კომიტეტის თავმჯდომარე ედ როისის აცხადებს, რომ თურქმა ხალხმა არჩეული მთავრობის ხელისუფლების სათავეში ყოფნა უზრუნველყო, ახლა კი პრეზიდენტის ჯერია თავისი მოვალეობა შეასრულოს და უარი თქვას ავტორიტარულ რეჟიმზე. განცხადებაში ასევე აღნიშნულია, რომ მთავრობის მიერ ოპოზიციის საქმიანობის, თავისუფალი მედიისა და რელიგიური თავისუფლების შეზღუდვამ ბოლო წლების განმავლობაში, ზიანი მიაყენა თურქულ დემოკრატიას. აშშ-ს კონგრესი მოუწოდებს პრეზიდენტ ერდოღანს არსებულ ვითარებას პლურალიზმისა და ადამიანის უფლებებისადმი ერთგულებით უპასუხოს.
"ერდოღანის მთავრობის მიერ ოპოზიციის საქმიანობის, თავისუფალი მედიისა და რელიგიური თავისუფლების შეზღუდვამ ბოლო წლების განმავლობაში, ზიანი მიაყენა თურქულ დემოკრატიას. ვიმედოვნებ, რომ მომხდარს პრეზიდენტი ერდოღანი დემოკრატიის, პლურალიზმისა და ადამიანის უფლებებისადმი ერთგულებით უპასუხებს, თუმცა ვშიშობ, რომ თურქეთის პრეზიდენტი საწინააღმდეგო მიმართულებას აირჩევს" - ნათქვამია განცხადებაში.
17 ივლისს თურქეთის პრეზიდენტმა რეჯეპ ტაიპ ერდოღანმა განაცხადა, რომ ხელისუფლება სიკვდილით დასჯის აღდგენის საკითხს განიხილავს.
სამხედრო ამბოხში მონაწილეობის ბრალდებით სულ 6 000 ადამიანია დაკავებული. მათ შორისაა პრეზიდენტ რეჯეპ ტაიპ ერდოღანის თანაშემწე სამხედრო საკითხებში, ალბაი ალი.
