საქართველოს პრეზიდენტის განცხადებით, ზურაბ პატარაძისთვის მისი მთავარი გზავნილია, რომ აჭარაში ჩატარდეს უმაღლესი სტანდარტის არჩევნები. გიორგი მარგველაშვილი იმედოვნებს, რომ აჭარის მთავრობის თავმჯდომარედ ზურაბ პატარაძის კანდიდატურას აჭარის უმაღლესი საბჭო მხარს დაუჭერს.
მისივე თქმით, არჩილ ხაბაძის ვთანამდებობიდან წასვლა განპირობებული იყო ინტენსიური საარჩევნო კამპანიით, რომელშიც აპირებს ჩაბმას. პრეზიდენტმა არჩილ ხაბაძეს აჭარაში წლების განმავლობაში გატარებული რეფორმებისთვის მადლობა გადაუხადა.
„დღეს დავდივარ აჭარაში, რომელიც სავსეა ტურისტებით, სავსეა ძალიან შთამბეჭდავი ახალი პროექტებით და მინდა ვუსურვო ზურაბ პატარაძეს, მნიშვენლოვანი მისიის გაგრძელება. ბატონი ზურაბისთვის ჩემი მთავარი გზავნილი არის, რომ აჭარაში უნდა ჩატარდეს დემოკრატიული, უმაღლესი სტანდარტის ევროპული არჩევნები და ასევე ის ეკონომიკური პროცესი, რომელიც ახლა რეგიონში მიმდინარეობს, გაგრძელდეს; როგორც ტურისტული სეზონი, ასევე სასოფლო სამეურნეო სეზონი იქნას წარმართული ეფექტურად“, - განაცხადა მარგველაშვილმა.
მისივე თქმით, ყველაფერი გადაწყდა ისე, რომ აჭარაში ვაკუუმი არ შექმნილიყო.
„რწმუნებულად დანიშვნის წუთიდანვე ჩვენ ეს პროცესი გადავეცით უმაღლეს საბჭოს. ასე, რომ შესაბამისად საკანონმდებლო და დემოკრატიის კრიტერიუმები არის უმაღლესი დონით დაცული. შესაბამისად მე ვხედავ მხარადჭერას და ვხედავ იმასაც, რომ ყველაფერი კანონმდებლობის დაცვით მიმდინარეობს“, - აღნიშნა გიორგი მარგველაშვილმა.
