ISIS მისი ერთ-ერთი მეთაურის აბუ ომარ ალ-შიშანის, იგივე, თარხან ბათირაშვილის გარდაცვალებას ადასტურებს. ამის შესახებ Reuters იტყობინება. მედია ISIS -ს სააგენტო AMAQI წერს, რომ თარხან ბათირაშვილი ერაყის ქალაქ მოსულთან მდებარე დასახლებულ პუნქტ შირკატში საბრძოლო მოქმედებებს ემსხვერპლა. აშშ-ის ოფიციალური უწყებები კი, ჯერ კიდევ მარტში იუწყებოდნენ, რომ ბათირაშვილი ლიკვიდირებულია.
ეს არის პირველი შემთხვევა, როცა დაჯგუფება “ისლამური სახელმწიფოს” დაქვემდებარებაში მყოფი საინფორმაციო საშუალებები უმარ ალ-შიშანის დაღუპვის ფაქტს ადასტურებენ.
აბუ ომარ ალ-შიშანი, იგივე თარხან ბათირაშვილი, ცნობილი იყო მეტსახელით „ჟღალი გენერალი“. ის პანკისის ხეობაში დაიბადა – მამა ქართველი, ხოლო დედა ქისტი ჰყავდა.