14 ივლისს, 19:00 საათზე, სასტუმროში "თბილისი მარიოტი", ჟურნალის „ნარგის საქართველო" მე-6 ზაფხულის ნომრის პრეზენტაცია გაიმართება კომპანია „სოკარის" მხარდაჭერით.
საღამოზე სტუმრებს ელით სასიამოვნო გარემო, ცოცხალი მუსიკა და გათამაშება „ქრონოგრაფის", „თაიმის", „ოქტოპუსის", „არტ თაიმის" და „სამრაან სპას" პრიზებით. წვეულებაზე დაპატიჟებულ ყველა სტუმარს საჩუქრად გადაეცემა სპეციალურად „ნარგისის" ბრენდირებული საზაფხულო შარფები მაღაზია DOTS-ისგან.
„ნარგისის" ზაფხულის ნომრის სახელწოდებაა "სწრაფვა სრულყოფილებისაკენ". იგი არაერთ საინტერესო თემას აერთიანებს მკითხველისათვის: ექსკლუზიური ინტერვიუ კარლო პონტისთან, ინტერვიუ დათა თავაძესთან, ჯენტლმენური სტილის მიმოხილვა Men's Fashion Week-იდან, ნიკა მემანიშვილი რუბრიკაში „მე რომ შემეძლოს", რუბრიკა „13" დრო და მისი ფასი 13 წარმატებული მამაკაცის პასუხები და ფსიქოლოგის ბლოგი მამაკაცებისთვის. მოდის განყოფილებაში წაიკითხავთ ინტერვიუს FURLA-ს მთავარ დიზაინერთან, ექსკლუზიურ ინტერვიუს ამანდა სეიფრიდთან და გაეცნობით თბილისის მოდის კვირეულის გავლენიანი სტუმრების შთაბეჭდილებებს თბილისსა და ქართველ დიზაინერებზე. ზაფხულის ნომერში ასევე წარმოდგენილია ნატვრის ხის საქველმოქმედო ღონისძიების მიმოხილვა და სოფია ლორენისა და კარლო პონტის სასიყვარულო ისტორია.