სირიაში კიდევ ერთი ქართველი დაიღუპა. ბექა ტოხოსაშვილი ისლამური სახელმწიფოს რიგებში 2 წლის განმავლობაში იმყოფებოდა. არსებული ინფორმაციით, ის შეტაკებების დროს დაიღუპა.
რუსთავი 2-ის ინფორმაციით, ტოხოსაშვილი პანკისის ხეობის სოფელ ბირკიანის მკვიდრია. სწორედ ამ სოფლიდან არის მსოფლიოში ძებნილი თარხან ბათირაშვილიც. ტოხოსაშვილი სირიაში ბათირაშვილის დაცვაში მუშაობდა.
ინფორმაციას ტოხოსაშვილის ოჯახის წევრები და პანკისში ადგილობრივი ხელისუფლების წარმომადგენლებიც ადასტურებენ.
