ყველა ვარსკვლავის მატჩის გამოკითხვის უკანაკსნელი შუალედური შედეგების მიხედვით, ზაზა ფაჩულია 299 584 ხმით კვლავ მე-8 პოზიციაზეა. მის საგულშემატკივროდ 4 დღე რჩება. გამოკითხვა 18 იანვრამდე გაგრძელდება, ხოლო All Star-ის მატჩი 14 თებერვალს ტორონტოში გაიმართება. სპორტისა და ახალგაზრდობის საქმეთა სამინისტროს ხელმძღვანელები, მედიის წარმომადგენლები და მოქმედი და ვეტერანი სპორტსმენები ზაზა ფაჩულიას მხარდასაჭერად გაერთიანდნენ. ახალ სპორტის სასახლეში ქართველი კალათბურთელის მხარდასაჭერი მატჩი გაიმართა. ზაზა ფაჩულია ერთადერთი ქართველი კალათბურთელია, რომელმაც შესაძლოა ერთ-ერთ ყველაზე პრესტიჟულ საკალათბურთო მატჩში მიიღოს მონაწილეობა.
