ფინანსთა სამინისტრო საგადასახადო შემოწმებებზე და მის ვადებზე მკაცრ რეგლამენტს აწესებს. როგორც ფინანსთა მინისტრმა ნოდარ ხადურმა განაცხადა, უკიდეგანო საგადასახადო შემოწმებები აღარ იქნება.
"ჩვენ გადავწყვიტეთ ახალ ეტაპზე გადავიდეთ, ახალი სიცოცხლე მივცეთ ჩვენს ურთიერთობას და აგვაქვს ასეთი წინადადება, რომ ჩენ ძალიან მკაცრ რეგლამენტს დავაწესებთ საგადასახადო შემოწმებებზე და მის ხანგრძლივობაზე. შემოწმებები იქნება ნორმატივებით დადგენილი და ამ შემთხვევაში საუბარია იმაზე, რომ ბიზნესისგან ჩვენ ინფორმაცია სრულად უნდა მივიღოთ და მალე დავასრულოთ საგადასახადო შემოწმებები. უკიდეგანო საგადასახადო შემოწმებები აღარ იქნება. სიმართლე გითხრათ არც არის , - 1000 შემთხვევიდან 940 დროში ეტევა", - განაცხადა მინისტრმა "ბიზნესკონტაქტთან" საუბრისას.
