მანჩესტერ იუნაიტეტის მწვრთნელი ირწმუნება, რომ მისი გუნდის ერთ-ერთი ლიდერი გაუჩინარდა. კითხვაზე, თუ სად იმყოფება ამჟამად ანხელ დი მარია, ვან გალმა განაცხადა, რომ არგენტინელის შესახებ არაფერი იცის. „შეგიძლიათ ყოველ კვირას მკითხოთ, სად არის ანხელი, მაგრამ ახალს ვერაფერს გიპასუხებთ. მე არ ვიცი, სად არის ის. თქვენ იცით?“-განაცხადა ვან გალმა. „წითელი ეშმაკების“ მწვრთნელმა ასევე არ დაადასტურა გავრცელებული ინფორმაცია იმის შესახებ, თითქოსდა დი მარიამ კლუბი დატოვა და პარი სენ-ჟერმენში გადავიდა.
