ზესტაფონის რაიონის სოფელ ვარჭევში მომხდარი ავარიის შედეგად ბაბუა და შვილიშვილი დაიღუპნენ. ერთმანეთს ქორწილის ესკორტის ხუთი ავტომანქანა შეეჯახა. დაშავებულია ათამდე ადამიანი. ადგილზე იმყოფებიან სამართალდამცველები, მაშველები და სასწრაფო დახმარების ბრიგადები.
შინაგან საქმეთა სამინისტროში აცხადებენ, რომ აღძრულია სისხლის სამართლის საქმე 276-ე მუხლის მე-5 პუქტით, რაც გულისხმობს ტრანსპორტის მოძრაობის უსაფრთხოების ან, ექსპლუატაციის წესის დარღვევას, რამაც ადამიანის სიკვდილი გამოიწვია.
